వేసవి సెలవులను కొందరు చాలా బాగా సద్వినియోగం చేసుకుంటున్నారు. నచ్చిన ఆటలలో నైపుణ్యాలను పెంచుకుంటున్నారు. నిజామాబాద్ జిల్లా క్రికెట్ సంఘం ఆధ్వర్యంలో హైదరాబాద్ క్రికెట్ అసోసియేషన్ సహకారంతో యువత కోసం ఆర్మూర్ లో" ఉచిత క్రికెట్ శిక్షణ" శిబిరాన్ని నిర్వహిస్తున్నారు. ఈనెల 13వ తారీఖున మామిడిపల్లి సెయింట్ పాల్ పాఠశాల గ్రౌండ్లో ప్రారంభమైన శిక్షణ జూన్ 1వ తేదీ వరకు కొనసాగుతుంది. చాలామంది ఒత్సాహికులు శిక్షణ పొందడానికి తరలివస్తున్నారు. బ్యాట్ పట్టి క్రికెట్ ఆట పై పట్టు సాధిస్తున్నారు. అవసరమైన మెలకువలను నేర్చుకుంటున్నారు.. తమ ఆటకు పదును పెట్టుకుంటున్నారు.
No comments:
Post a Comment