పే టీ ఎం, ఏ యూ బ్యాంక్.. ఉచిత రూపే క్రెడిట్ కార్డు

 పే టీ ఎం, ఏ యూ స్మాల్ ఫైనాన్స్ బ్యాంక్ భాగస్వామ్యంతో "జీవిత కాల ఉచిత రూపే క్రెడిట్ కార్డు" ను ప్రారంభించాయి. అర్హత గల యూపీఐ ఖర్చులపై 2%, ప్రయాణ బుకింగ్ లు , బంగారం కొనుగోళ్లపై 5% వరకు రివార్డులు లభిస్తాయి. విమాన టికెట్ల బుకింగ్ పై గరిష్టంగా నలుగురు కుటుంబ సభ్యులు ఏడాదికి 12 సార్లు " ఉచితంగా విమానాశ్రయ లాంజ్" లలోకి ప్రవేశించవచ్చు. యాప్ లో ఈ కార్డును పొందవచ్చు. 

తరచుగా ప్రయాణాలు చేసేవారు ఎయిర్ పోర్ట్ లాంజ్ ఖర్చులను తగ్గించుకోవాలనుకునే కుటుంబాల కోసం ఈ కార్డు ఉపయోగ పడుతుంది. ఈ కార్డు భారత దేశపు తొలి ఫ్యామిలీ లాంజ్ యాక్సెస్ క్రెడిట్ కార్డు.దీనికి జాయినింగ్ ఫీజు, వార్షిక ఫీజులు ఉండవని ఈ రెండు సంస్థలు తెలిపాయి.నిత్యావసరాలు , క్యాబ్ రైడ్స్ కు చెల్లింపులు సహా అర్హత గల పే టీ ఎం యూపీఐ చెల్లింపులపై ఏ యూ ఎస్ ఎఫ్ బి క్రెడిట్ కార్డు రివార్డ్ పాయింట్స్ పొందవచ్చు. ఈ క్రెడిట్ కార్డు ద్వారా ఫ్యామిలీ ఎయిర్ పోర్ట్ లాంజ్ యాక్సెస్ ప్రత్యేకత. పే టీ ఎం ద్వారా బుక్ చేసుకున్న రౌండ్ ట్రిప్ ఫ్లయిట్ టికెట్లపై దీన్ని పొందవచ్చు.నలుగురు కుటుంబ సభ్యుల వరకు లాంజ్ యాక్సెస్ పొందవచ్చు.