ఒక్క రూపాయి కూడా ఖర్చు లేకుండా వేద మందిర్ వారు ఇప్పుడు ఫ్రీ గా , 100% ఉచితంగా మీ పేరు మీద " గణపతి అర్చన" జరుపుకునే అవకాశం కల్పిస్తున్నారు. ఆన్ లైన్ లో జస్ట్ మీ పేరు, గోత్రం ఇస్తే చాలు. వారే మీ సంకల్పం తో పూజ చేస్తారు. విశేషం ఏమిటంటే ఆ పూజ ను మీరు లైవ్ లో కూడా చూడవచ్చు.
ఉచితంగా దొరుకుతున్న ఈ దివ్యమైన అవకాశాన్ని వదులుకోకండి.
పేదల ఇళ్లల్లో ఆడపిల్లల పెళ్లిళ్లు అంటే ఎంతో ఆందోళనగా ఉంటుంది ఎలా చేయాలా అని. అలాంటి పేద కుటుంబాలలో ఆశల దీపం వెలిగించి ఎంతో సహాయకారిగా ఉంటున్నారు ఉత్తర్ ప్రదేశ్ రాష్ట్రంలోని షాజహాన్ పూర్ కు చెందిన నమ్కీన్ వ్యాపారి వినయ్ అగర్వాల్.
నాకు సోదరీమణులు లేరు , కానీ ఏ ఇంట్లో కూడా డబ్బులు లేకపోవడం కారణంగా ఆడపిల్ల పెళ్లి ఆగిపోకూడదు ..అనే ఆలోచనతో 2023 లో 11 మందికి,2024 లో 21 మందికి ,2025 లో 51 మంది యువతులకు వివాహాలు అన్నీ తానై జరిపించారు వినయ్ అగర్వాల్ గారు.
ఈ 2026 వ సంవత్సరంలో ఏకంగా 101 జంటలకు ఒకే వేదికపై జీవితాలను కలిపారు.ఇప్పటివరకు మొత్తం 184 మందికి వారి వారి మత ఆచారాల ప్రకారం ఘనంగా వివాహాలు జరిపించారు.జంటలకు టీవీ లు, ఫ్రిజ్ లు, బెడ్ లు సహా ఇంటికి అవసరమైన సామాగ్రినీ ఉచితంగా అందిస్తారు . అత్యంత పేద కుటుంబాలకు చెందిన యువతులకే ప్రాధాన్యం ఇస్తున్నట్లు వినయ్ అగర్వాల్ తెలిపారు. ఏటా లబ్ధిదారుల సంఖ్యను పెంచుకుంటూ పోతానని ఆయన వెల్లడించారు.
కరీంనగర్ పట్టణంలోని వైశ్య భవన్ వద్ద గంప నారాయణ మెమోరియల్ ట్రస్ట్ ఆధ్వర్యంలో వైశ్య నిరుపేద భక్తుల కోసం ఏర్పాటుచేసిన" అయోధ్య మరియు కాశి ఉచిత యాత్ర " కార్యక్రమం ఆదివారం ఘనంగా ప్రారంభమైంది. ఈ కార్యక్రమానికి మానకొండూర్ నియోజకవర్గ ఎమ్మెల్యే కవ్వంపల్లి సత్యనారాయణ గారు, కరీంనగర్ నగర మేయర్ శ్రీ కొలగాని శ్రీనివాస్ గారు మరియు బిజెపి రాష్ట్ర అధికార ప్రతినిధి డిప్యూటీ మేయర్ యాదగిరి సునీల్ రావు గారు తదితరులు ముఖ్య అతిథులుగా పాల్గొని జెండా ఊపి యాత్రను ప్రారంభించారు .ఈ సందర్భంగా వారు మాట్లాడుతూ శ్రీ గంప శ్రీనివాస్ గారి ఆధ్వర్యంలో నిర్వహిస్తున్న ఈ యాత్ర మూడవ సంవత్సరానికి చేరుకోవడాన్ని అభినందించారు. వైశ్య నిరుపేద భక్తుల కోసం గంప శ్రీనివాస్ తన సొంత ఖర్చులతో ఈ యాత్రను ఏర్పాటు చేయడం, సుమారు 8 రోజుల పాటు సాగే యాత్ర కోసం ప్రత్యేకంగా రెండు బస్సులను ఏర్పాటు చేసి దాదాపు 45 కుటుంబాల సభ్యులను "అయోధ్య, కాశీ క్షేత్రాలకు ఉచితంగా తీసుకువెళ్లడం" చాలా గొప్ప విషయం అన్నారు. యాత్రకు బయలుదేరిన భక్తులకు ఎలాంటి అసౌకర్యాలు కలగకుండా అన్ని ఏర్పాట్లు చేసి యాత్రను విజయవంతంగా కొనసాగిస్తున్నారని అన్నారు. అయోధ్య రాముడు మరియు కాశీ విశ్వేశ్వరుని ఆశీస్సులతో భక్తుల యాత్ర సుఖంగా సాగాలని వారు ఆకాంక్షించారు. ఈ కార్యక్రమంలో కార్పొరేటర్లు ఎన్నం ప్రకాష్, గాజ శివరాం, వైశ్య సంఘం ప్రతినిధులు, బిజెపి నాయకులు మరియు యాత్రకు బయలుదేరిన భక్తులు, నిర్వాహకులు పాల్గొన్నారు.
బర్న్ సర్వైవర్ మిషన్ సేవియర్ ట్రస్ట్ ఆధ్వర్యంలో ఉచిత సర్జరీలు..
ప్రమాదవశాత్తు శరీరం కాలిపోయి తీవ్ర గాయాల పాలైన నిరుపేద బాధితులకు ఉచితంగా ప్లాస్టిక్ సర్జరీలు నిర్వహించనున్నట్లు బర్న్ సర్వైవర్ మిషన్ సేవియర్ ట్రస్ట్ / బి ఎస్ ఎం ఎస్ ఒక ప్రకటనలో తెలిపింది. పెగా సిస్టం సంస్థ ఆర్థిక సహకారంతో చేపట్టనున్న ఈ సేవా కార్యక్రమానికి సంబంధించిన రిజిస్ట్రేషన్లు సోమవారం నుంచి ప్రారంభమై ఈ నెల 31వ తేదీ వరకు కొనసాగుతాయని వారు తెలిపారు. ఖరీదైన ప్లాస్టిక్ సర్జరీలను భరించలేక చికిత్సకు దూరంగా ఉంటున్న బాధితుల కోసం ముందుకొచ్చిన పెగా సిస్టం సంస్థకు ట్రస్ట్ నిర్వాహకులు కృతజ్ఞతలు తెలిపారు. ఈ శస్త్ర చికిత్సలను ప్రముఖ ప్లాస్టిక్ అండ్ కాస్మాటిక్ సర్జన్ డాక్టర్ కళ్యాణ్ చక్రవర్తి ఆధ్వర్యంలో జరగనున్నట్లు వారు తెలిపారు.
కాలిన గాయాల బాధితులకు అండగా నిలుస్తూ వారికి పునరావాసం కల్పించేందుకు నిహారి మండలి చేస్తున్న కృషి గొప్పది.2009 లో తీవ్ర కాలిన గాయాలకు గురైన తాను ఆర్థిక ఇబ్బందుల వల్ల అవసరమైన సర్జరీలు చేయించుకోలేక పోయానని , తర్వాత జర్మనీ వైద్యుల సహకారంతో ఉచితంగా శస్త్ర చికిత్సలను చేయించుకున్నట్లు తెలిపారు.
ఆ కష్టాలు మరెవరికీ వద్దన్న సంకల్పం తో " బర్న్ సర్వైవర్ మిషన్ సేవియర్ ట్రస్ట్" 2014లోస్థాపించానని.. కార్పొరేట్ సంస్థ ల సహకారం తో 420 ఉచిత శస్త్ర చికిత్సలు చేయించినట్లు ఆమె తెలిపారు . బాధితులకు ఉచితంగా శస్త్ర చికిత్సలు చేయిస్తామని ఆమె పేర్కొన్నారు.
పెగా సిస్టం సంస్థ సహకారంతో " బర్న్స్ టు షైన్ - 2026 " కార్యక్రమం చేపట్టానని,ఆంధ్రప్రదేశ్ ,తెలంగాణ రాష్ట్రాలలోని అర్హులైన బాధితులు ఈ అవకాశాన్ని సద్వినియోగం చేసుకోవాలని, రిజిస్ట్రేషన్ ల కోసం 7680974918 మొబైల్ నెంబర్ లో సంప్రదించాలని కోరారు.
బ్యాచిలర్ డిగ్రీ పూర్తి కాగానే ఉన్నత చదువుల కోసం యూఎస్ ,లండన్ కు వెళ్లాలని అమ్మానాన్నలు చెప్పినప్పటికీ నిజామాబాద్ లోని దుబ్బ ప్రాంతానికి చెందిన సాయి ప్రీతం వినిపించుకోలేదు. ఒకరి కింద పని చేయడం ఇష్టం లేదని సొంతంగా స్టార్టప్ ప్రారంభించారు .స్థానికంగా ఉన్న గిరిరాజు కళాశాలలో డిగ్రీ చదువుతున్నప్పుడే తల్లితండ్రులపై ఆధారపడకుండా ప్రైవేటు ఉద్యోగం చేసిన అతడు ,తన సంపాదనతో ఒక నాన్ వెజ్ దుకాణం నిర్వహించారు .అప్పట్లో ప్రమోషన్ కోసం చేసిన రీల్స్ తన ఆలోచనను మార్చాయి అంటున్నాడు ఈ యువకుడు .ఇతనికి ఇన్స్టాలో 16,000 మందికి పైగా ఫాలోవర్లు ఉన్నారు .ఆ తర్వాత ఎంబీఏ చేస్తూనే డిజిటల్ మార్కెటింగ్ ఏజెన్సీని నెలకొల్పారు." రీల్స్ మేకింగ్ పై ఆసక్తి ఉన్న యువతకు ఉచిత శిక్షణ " ఇస్తున్నారు. ఇటీవలే పాడ్ కాస్ట్ రంగం లోకి కూడా ప్రవేశించారు. సొంత యూట్యూబ్ ఛానల్ ప్రారంభించారు .అంతటితోనే ఆగిపోకుండా కేసరి అనే పేరుతో బైక్ లపై వాణిజ్య ప్రకటనల రూపకల్పనకు శ్రీకారం చుట్టారు .సొంత నగరమైన నిజామాబాదులోనే పేరు సంపాదించడం మరియు మరో 10 మందికి ఉపాధి కల్పించడం ఆనందంగా ఉంది అని, అమ్మానాన్నలు సుజాత ,చంద్రశేఖర్ సన్నిహిత మిత్రుల సహకారం మరచిపోలేను అని సాయి ప్రియతమంటున్నారు.
తమిళనాడు ముఖ్యమంత్రి శ్రీ విజయ్ గారి సొంత నియోజక వర్గం " పెరంబూర్". ప్రస్తుతం ఇచట ఉచితంగా పేదలకు విద్యా ఉపకరణాలను అందించే సరికొత్త సదుపాయాన్ని కల్పించారు. శర్మ నగర్ మొదటి మెయిన్ రోడ్ లో ఉన్న MLA కార్యాలయం భవనం గోడకు వెలుపలి వైపు ఒక షెల్ఫ్ ఏర్పాటు చేశారు. ఈ షెల్ఫ్ లో విద్యార్థులకు ఉపయోగపడే పెన్నులు, పెన్సిల్ లు, బ్యాగులు, నోటు పుస్తకాలు తదితర వస్తువులను ఉంచారు. విద్యార్థులు నేరుగా ఇక్కడికి వచ్చి ఎవరి అనుమతి లేకుండా స్వేచ్ఛగా , సొంతంగానే తమకు కావలసినవి తీసుకోవచ్చు.
ఈ వసతిని పలువురు పేద తల్లి దండ్రులు,విద్యార్థులు ఉపయోగించుకుంటున్నారు.
పే టీ ఎం, ఏ యూ స్మాల్ ఫైనాన్స్ బ్యాంక్ భాగస్వామ్యంతో "జీవిత కాల ఉచిత రూపే క్రెడిట్ కార్డు" ను ప్రారంభించాయి. అర్హత గల యూపీఐ ఖర్చులపై 2%, ప్రయాణ బుకింగ్ లు , బంగారం కొనుగోళ్లపై 5% వరకు రివార్డులు లభిస్తాయి. విమాన టికెట్ల బుకింగ్ పై గరిష్టంగా నలుగురు కుటుంబ సభ్యులు ఏడాదికి 12 సార్లు " ఉచితంగా విమానాశ్రయ లాంజ్" లలోకి ప్రవేశించవచ్చు. యాప్ లో ఈ కార్డును పొందవచ్చు.
తరచుగా ప్రయాణాలు చేసేవారు ఎయిర్ పోర్ట్ లాంజ్ ఖర్చులను తగ్గించుకోవాలనుకునే కుటుంబాల కోసం ఈ కార్డు ఉపయోగ పడుతుంది. ఈ కార్డు భారత దేశపు తొలి ఫ్యామిలీ లాంజ్ యాక్సెస్ క్రెడిట్ కార్డు.దీనికి జాయినింగ్ ఫీజు, వార్షిక ఫీజులు ఉండవని ఈ రెండు సంస్థలు తెలిపాయి.నిత్యావసరాలు , క్యాబ్ రైడ్స్ కు చెల్లింపులు సహా అర్హత గల పే టీ ఎం యూపీఐ చెల్లింపులపై ఏ యూ ఎస్ ఎఫ్ బి క్రెడిట్ కార్డు రివార్డ్ పాయింట్స్ పొందవచ్చు. ఈ క్రెడిట్ కార్డు ద్వారా ఫ్యామిలీ ఎయిర్ పోర్ట్ లాంజ్ యాక్సెస్ ప్రత్యేకత. పే టీ ఎం ద్వారా బుక్ చేసుకున్న రౌండ్ ట్రిప్ ఫ్లయిట్ టికెట్లపై దీన్ని పొందవచ్చు.నలుగురు కుటుంబ సభ్యుల వరకు లాంజ్ యాక్సెస్ పొందవచ్చు.
అమెరికా చిన్నారులకు ..ఉచితంగా స్పేస్ ఎక్స్ షేర్లు..
అమెరికాలో ఉన్న ప్రతి ఒక్క చిన్నారికి తన" స్పేస్ సెక్స్ కంపెనీ ఒక షేర్ ఉచితంగా " ఇస్తానని బిలియన్ ఎలాన్ మస్క్ సోమవారం ప్రకటించారు. కృత్రిమ మేధా సంస్థ ఆంత్రోపిక్ తమ షేర్లలో ఐదు శాతాన్ని ఒక కొత్త పబ్లిక్ బెనిఫిట్ ఫండ్ కు కేటాయిస్తున్నట్లు ఆదివారం ప్రకటించింది. స్పందించిన మస్క్ ..షేర్లను నేరుగా ప్రజలకే ఇవ్వాలని సూచించారు. ఆంత్రోపిక్ సీఈవో డారియో అమోడై , మరో ఐదుగురు సహ స్థాపకులు ఈ పబ్లిక్ బెనిఫిట్ కార్పొరేషన్ ను ఏర్పాటు చేశారు. ఈ నవంబర్ నాటికి ఈ కంపెనీ భారీ ఇనిషియల్ పబ్లిక్ ఆఫర్( ఐపిఓ) తీసుకు రావడానికి సన్నాహాలు చేస్తోంది.
గూగుల్, అమెజాన్ వంటి సంస్థల దిగ్గజాల సరసన స్పేస్ ఎక్స్ కూడా జూన్ లో వాల్ స్ట్రీట్ లో పబ్లిక్ గా ట్రేడ్ అయ్యే కంపెనీగా అడుగు పెట్టింది. ఈ పరిణామం తో ఎలాన్ మస్క్ ప్రపంచంలోనే తొలి ట్రిలియనీర్ గా అవతరించారు.
హైదరాబాదులోని రాజేంద్రనగర్ లోని మానస హిల్స్ లో తెలంగాణ ప్రభుత్వ ట్రైబల్ శాఖ ఆధ్వర్యంలో ఎస్టీ ఐఏఎస్ స్టడీ సర్కిల్ కొనసాగుతోంది .ప్రతి సంవత్సరం 100 మంది పేద ఎస్టి విద్యార్థులకు ప్రభుత్వం" ఉచితంగా సివిల్స్ కోచింగ్ " అందిస్తోంది. ఫ్రీ హాస్టల్, ఫ్రీ బుక్స్ కోసం ప్రత్యేకంగా స్టైపండు , నెలవారీ ప్యాకెట్ మనీ తో పాటు కంప్యూటర్ ల్యాబ్ ,లైబ్రరీ, రీడింగ్ హాల్ వంటి వసతులు కల్పిస్తున్నారు.
ఒక్కో విద్యార్థిపై సుమారు లక్ష రూపాయల వరకు తెలంగాణ ప్రభుత్వం ఖర్చు చేస్తోంది. అయితే గత ఐదేళ్ల నుంచి ప్రతి ఏటా ఈ స్టడీ సర్కిల్ నుంచి 120 మంది సివిల్ ఎగ్జామ్స్ రాస్తుండగా ఇందులో కేవలం పదిమందిలోపే ప్రిలిమ్స్ లో క్వాలిఫై అవుతున్నారు. మెయిన్స్ లో మాత్రం ఒక్కరు కూడా సెలెక్ట్ కావడం లేదు. దీంతో ఈసారి ప్రైవేట్ స్టడీ సర్కిల్కు కోచింగ్ బాధ్యతలను అప్పగించాలని ప్రభుత్వం నిర్ణయించింది. 2017- 18 విద్యా సంవత్సరం నుంచి ప్రారంభమైన ఈ స్టడీ సర్కిల్ ద్వారా ఇప్పటివరకు 734 మంది శిక్షణ పొందగా 131 మంది కేంద్ర రాష్ట్ర ప్రభుత్వ శాఖల్లో ఉద్యోగాలు సాధించారు.
పేద ఎస్టీ విద్యార్థులకు సివిల్స్ కోచింగ్ ఇచ్చేందుకు ట్రైబల్ శాఖ ఇటీవల టెండర్ల ను పిలవగా ఇందులో ఆరు ప్రముఖ స్టడీ సర్కిల్ లు పాల్గొన్నాయి. తక్కువగా కోట్ చేసిన ఢిల్లీ శ్రీరామ్ ఐఏఎస్ సర్కిల్ టెండర్ దక్కించుకుంది. ఒక్కొక్క స్టూడెంట్ కు 60 వేల రూపాయలకే ప్రిలిమ్స్, మెయిన్స్ కోచింగ్ ఇచ్చేలా టెండర్ లో ఎల్ 1 గా నిలిచింది. ఇతర సంస్థలు 1 లక్ష నుంచి రెండున్నర లక్షల వరకు కోట్ చేసినట్లు అధికారులు చెబుతున్నారు. ఈ సంస్థలో విద్యార్థులకు 24 గంటల ఉచిత వైఫై, 60 కంప్యూటర్లతో వేర్వేరు కంప్యూటర్ ల్యాబ్లు అందుబాటులో ఉన్నాయి .ప్రతి విద్యార్థికి 5000 రూపాయల విలువైన" స్టడీ మెటీరియల్ ఉచితంగా" అందజేస్తున్నారు. ప్రొజెక్టర్లు ,స్క్రీన్లతో కూడిన 5 పెద్ద క్లాసు రూమ్ లలో నిపుణులైన ఫ్యాకల్టీ తో ఐఏఎస్ మెయిన్స్ ఆప్షనల్ సబ్జెక్టులపై కోచింగ్ ఇస్తున్నారు.
పేద గిరిజన విద్యార్థులకు సివిల్స్ ర్యాంకులు సాధించే లక్ష్యంతో ట్రైబల్ శాఖ దృష్టి పెట్టింది. ఇందులో భాగంగా తొలిసారిగా టెండర్ ద్వారా ఢిల్లీ శ్రీరామ్ సివిల్స్ స్టడీ సర్కిల్ కు కోచింగ్ బాధ్యతలు అప్పగించింది .దసరా సెలవుల తర్వాత నుంచి వచ్చే ఏడాది మేలో ప్రిలిమ్స్ పరీక్ష జరిగే వరకు 8 నెలల పాటు" 100 మంది విద్యార్థులకు ఉచిత శిక్షణ" ఇవ్వనున్నారు. అలాగే గతేడాది ప్రిలిమ్స్ లో అర్హత సాధించిన మరో 20 మందికి" ఉచిత మెయిన్స్ శిక్షణ" అందించనున్నారు. దీని ద్వారా రాబోయే రోజులలో మరిన్ని సివిల్స్ ర్యాంకులు పేద గిరిజన విద్యార్థులు సాధించేలా అంతర్జాతీయ స్థాయి మెంటార్ షిప్ బోధన అందనున్నది.
తమిళనాడు రాష్ట్రం తిరువళ్ళూరు జిల్లా రెడ్ హిల్స్ సమీపంలోని పాడియ నల్లూరు కు చెందిన సెల్వకుమార్ ఒక అధ్యాపకుడు.. కళాశాలల్లో పాఠాలు చెప్పడం తోనే సరిపెట్టుకోలేదు. అనాథ పిల్లల ఆకలి తీర్చేందుకు ఎంతగానో కృషి చేస్తున్నారు. 23 ఏళ్లుగా షూ పాలిష్ చేస్తూ ఉదారతను చాటుకుంటున్నారు. పలు కాలేజీల్లో పార్ట్ టైమ్ లెక్చరర్ గా పని చేస్తున్నారు.
2003 లో అనాథ పిల్లల కోసం " మదర్ థెరిస్సా" పేరిట ప్రాథమిక పాఠశాల స్థాపించారు.భర్తతో విడిపోయి వేరుగా ఉంటున్న మహిళల పిల్లలు , పేద విద్యార్థులను తన బడిలో చేర్చుకుని తక్కువ ఫీజు తీసుకుంటున్నారు.
అనాథ పిల్లల కోసం " ఉచిత హాస్టల్ " నిర్వహిస్తున్నారు. వీటికయ్యే ఖర్చుల కోసం గతంలో ఇంటింటికి వెళ్లి బియ్యం, ఇతర వస్తువులు సేకరించేవారు. 2005 నుండి బస్టాండ్, రైల్వే స్టేషన్, రోడ్ల కూడళ్లలో కూర్చుని పాదరక్షల కు పాలిష్ చేస్తూ నిధులు సమీకరిస్తున్నారు. ఈ వృత్తి తక్కువ స్థాయిది కాదు అని తెలియచేయడం కోసమే దీన్ని ఎంచుకున్నట్లు ఆయన వెల్లడించారు.
అసద్ - అన్వర్ ట్రస్ట్ ఆధ్వర్యంలో ఈ సంవత్సరం ఇప్పటివరకు 1.6 లక్షల మందికి అన్న ప్రసాద వితరణ చేసినట్టు ట్రస్ట్ చైర్మన్, టీఎన్జీవో రాష్ట్ర ప్రధాన కార్యదర్శి ఎస్ ఎం హుస్సేనీ ( ముజీబ్ ) తెలిపారు.
హైద్రాబాద్ లోని నాంపల్లి లో గల ఎం ఎన్ జే క్యాన్సర్ హాస్పిటల్ లోని రోగులకు ,సహాయకులకు తమ ట్రస్ట్ ద్వారా " ఉచితంగా అన్నదానం " చేస్తున్నట్లు ఆయన వెల్లడించారు. శుక్రవారం నిర్వహించిన అన్న ప్రసాద వితరణ కార్యక్రమంలో ఆయన స్వయంగా పాల్గొని అన్న ప్రసాదాన్ని రోగులకు, వారి సహాయకులకు అంద చేశారు.
తన తల్లి దండ్రులైన అసదుద్దీన్, అన్వరున్నిసా స్మారకార్థం ప్రతి వారం ఉచిత భోజన సౌకర్యం కల్పిస్తున్నట్టు ఆయన తెలిపారు.
కామారెడ్డి జిల్లా కేంద్రంలో ఉన్న బాంబే క్లాత్ హౌజ్ వారి ఆధ్వర్యంలో ప్రతి ఆదివారం నిర్వహిస్తున్న " ఉచిత కంటి వైద్య శిబిరం" కామారెడ్డి నియోజక వర్గ ప్రజలు సద్వినియోగం చేసుకోవాలని ఎమ్మెల్యే శ్రీ కాటిపల్లి వెంకట రమణా రెడ్డి గారు కోరారు. సంబంధిత ప్రచార ఫ్లెక్సీలను ఆయన ఆవిష్కరించారు.
వైద్య శిబిరంలో ఆపరేషన్లు అవసరమైన వారికి " వీటీ ఠాకూర్ లయన్స్ ఆసుపత్రి లో " ఉచితంగా చికిత్సలు చేస్తామని ప్రతినిధి శ్రీ వీటీ లాల్ గారు తెలిపారు. బాంబే క్లాత్ హౌజ్ యాజమాన్యం తమ లాభాల్లో కొంత పేదలకు కేటాయించి సేవా కార్యక్రమాలను చేపట్టడం పట్ల ఎమ్మెల్యే అభినందించారు.
ప్రథమ్ ఎడ్యుకేషన్ ఫౌండేషన్ ఆధ్వర్యంలో యువత, విద్యార్థులకు ఇస్తున్న ఉచిత శిక్షణ ను సద్వినియోగం చేసుకోవాలని ఉప్పల్వాయి ఉప సర్పంచ్ పర్వా రెడ్డి అన్నారు. ఫౌండేషన్ సభ్యులతో కలిసి గ్రామ పంచాయతీ ఆవరణలో ఉచిత శిక్షణ కరపత్రాలను ఆవిష్కరణ చేశారు. ఈ సందర్భంగా ఫౌండేషన్ సభ్యురాలు సంగీత మాట్లాడుతూ 18-35 ఏళ్ల లోపు వారికి కామారెడ్డి లో హెల్త్ కేర్ కు సంబంధించి బీడీఏ కోర్స్ అందుబాటులో ఉందని 90 రోజులు ఉచితంగా శిక్షణ ఇచ్చి సర్టిఫికెట్ అందించనున్నారని పేర్కొన్నారు. శిక్షణ కాలంలో ఉచిత భోజన సదుపాయం కల్పిస్తామన్నారు.
ఆసక్తి గల అభ్యర్థులు 91775 64914 నంబర్ లో సంప్రదించాలని సూచించారు. మాజీ సర్పంచ్ అరవింద్ గౌడ్, మాజీ ఎంపీటీసీ రాజేందర్ , మాజీ ఉప సర్పంచ్ నర్సింలు , గ్రామస్తులు పాల్గొన్నారు.
ఇన్ఫోసిస్ సహకారంతో లెర్నెట్ స్కిల్స్ ఆధ్వర్యంలో ఖమ్మం లో డిగ్రీ పూర్తి చేసిన యువతకు ఉచితంగా శిక్షణ అందజేసి ఉద్యోగ అవకాశాలు కల్పిస్తున్నట్లు లెర్నెట్ స్కిల్స్ ప్రాజెక్ట్ కో ఆర్డినేటర్ మత్తి రామకృష్ణ తెలిపారు. ఈ శిక్షణకు 18 సంవత్సరాలు నిండి 28 సంవత్సరాల లోపు డిగ్రీ పూర్తి చేసిన యువతీ యువకులు అర్హులని తెలిపారు.
ఈ శిక్షణను అనుభజ్ఞులైన ట్రైనర్లచే 90 గంటలు అందచేసి శిక్షణలో పాల్గొన్నవారికి ఉచితంగా మెటీరియల్ అందచేసి అనంతరం ఇన్ఫోసిస్ వారి సర్టిఫికెట్ అందచేసి ఉద్యోగ అవకాశం కల్పించబడునని తెలిపారు.
పూర్తి సమగ్ర వివరాలకు 99124 65999 లో సంప్రదించాలని సూచించారు.
గ్రామీణ ప్రాంత పేద విద్యార్థులకు నగరాలలో వసతి గృహాల్లో ఉంటూ కోచింగ్ తీసుకోవడం ఆర్థికంగా పెనుభారంగా మారింది. ఈ నేపథ్యంలో ఖమ్మం జిల్లా గ్రామీణ విద్యార్థులు తమ ఊరిలో ఉంటూనే ప్రముఖ కోచింగ్ సెంటర్ లలో ఆన్ లైన్ కోచింగ్ పొందడానికి సహకరించాల్సిందిగా మంత్రి పొంగులేటి శ్రీనివాస్ రెడ్డి గారిని అభ్యర్థించారు.
ఈ విషయమై సానుకూలంగా స్పందించిన మంత్రి ప్రతి ఒక్క విద్యార్థికి రూ.40,000 వేల విలువ గల ఆన్ లైన్ కోచింగ్ యాక్సెస్ ను " పీ ఎస్ ఆర్ చారిటబుల్ ట్రస్ట్ ద్వారా ఉచితంగా" అందించనున్నట్లు తెలిపారు. ఏ ఉద్యోగానికి ప్రిపేర్ అవుతున్న అభ్యర్థులైనా తమ పీ ఎస్ ఆర్ చారిటబుల్ ట్రస్ట్ ను సంప్రదిస్తే" 40 వేల రూపాయల విలువ చేసే ఆన్ లైన్ కోచింగ్ యాక్సెస్ ను ఉచితంగా" అందిస్తామని తెలిపారు.ఈ నెల 28 నుండి ఈ ఉచిత శిక్షణ ఇవ్వనున్నట్లు వారు తెలిపారు.ఎన్నో రకాలుగా ఆర్థిక భారం తప్పుతుందని, విద్యార్థులు ఎటువంటి చింత లేకుండా తమ ఊరిలో ఉంటూనే ఆన్ లైన్ కోచింగ్ ను సద్వినియోగం చేసుకొని ఉద్యోగ ప్రయత్నంలో విజయం సాధించాలని కోరారు. ఇప్పటికే తమ ట్రస్ట్ ఆధ్వర్యంలో కానిస్టేబుల్, ఎస్సై పరీక్షలకు ఉచిత శిక్షణ కొనసాగుతోందని తెలిపారు.
ప్రభుత్వ రంగ టెలికాం సంస్థ బిఎస్ఎన్ఎల్ ఆవిష్కరించింది ఎంపిక చేసిన ప్లాన్లపై ఉచిత ప్రమాద బీమా ఆఫర్లను అందిస్తున్నట్లు ప్రకటించింది. వీటిలో ఎస్ టి వి 202, ఎస్ టి వి 2 4 9 ప్లాన్ లపై లక్ష రూపాయల వరకు ప్రమాద బీమా, సైబర్ మోసాలపై పదివేల రూపాయల వరకు బీమా అవకాశాన్ని కల్పిస్తున్నట్లు తెలిపింది. వినియోగదారుల భద్రతకు పెద్దపీట వేయాలనే ఉద్దేశంతో సంస్థ ఈ బీమా పథకాన్ని అందుబాటులోకి తీసుకొచ్చినట్లు కంపెనీ సీఎండీ రాబర్ట్ జె రవి తెలిపారు. ఇలాంటి నూతన ఆఫర్ ఇస్తున్న తొలి సంస్థ మాదే అనుకుంటానని, గతంలో ఎయిర్టెల్ ఆఫర్ ఇచ్చినట్లు గుర్తు అని ఆయన పేర్కొన్నారు.
ఇలాంటి ప్లాన్లతో రైతులకు, వ్యవసాయ కార్మికులు, చేపలు పట్టేవారికి ప్రయోజనకరంగా ఉంటుంది అన్నారు. గడచిన ఆర్థిక సంవత్సరంలో ఒక్కో వినియోగదారుడిపై సంస్థకు వస్తున్న ఆదాయం 101 రూపాయలకు పెరిగింది. అంత క్రితం ఇది 71 రూపాయలుగా ఉన్నది. భారతీయ ఎయిర్టెల్ మాత్రం 179 రూపాయలు మరియు 270 రూపాయలు ప్లాన్లపై లైఫ్ ఇన్సూరెన్స్ ప్లాన్లను ఇచ్చింది.
అగరం అంటే ఆది అక్షరం, అ కారం అని అర్థం. అకారాది అక్షరాలే జ్ఞాన ప్రపంచానికి మూలాలు. అందుకే తన సేవా సంస్థ కు ఆ పేరు ఎంచుకున్నాడు హీరో సూర్య. ఎందరో పేద పిల్లల జీవితాలను ఉన్నత శిఖరాలకు చేరుస్తున్నాడు. వేలాది గుండెల్లో హీరోగా నిలిచి అగరం తో అక్షరాలా ఒక విద్యా విప్లవమే సృష్టిస్తున్నాడు.
గత పదిహేనేళ్ల కాలంలో వేల మంది విద్యార్థులకు అన్నీ తానై, పై చదువులు చదివించింది అగరం సంస్థ.వీరిలో 95 శాతం మందిని మెడిసిన్, ఇంజనీరింగ్,పారామెడికల్ వంటి ప్రొఫెషనల్ కోర్సులతో నిపుణులుగా తీర్చి దిద్దింది.అందులోనూ 67 శాతం మంది అమ్మాయిలే.వైద్యం,సైన్యం, ఐటీ,రీసెర్చ్ ..ఇలా ఏ రంగాన్ని తీసుకున్నా ,అందులో అగరం లబ్ధిదారులు తప్పకుండా ఉంటారు.మన దేశంలో,ప్రతి నగరంలో , ప్రపంచం లోని ప్రతి ప్రధాన దేశంలోనూ ఈ సంస్థ పూర్వ విద్యార్థులను చూడవచ్చు.అగరం సాయం పొందిన 8 వేల మందిలో ప్రతి ఒక్కరూ మరో పది మంది చదువులకు సాయం చేస్తున్నారు.
ఈ సంస్థ ఏర్పాటు వెనక ..ఒకప్పుడు తన నాన్న,నానమ్మ చిందించిన కన్నీళ్లే కారణం అంటాడు సూర్య.
సూర్య తండ్రి దండపాణి ఎన్నో కష్ట నష్టాలకోర్చి చదువు పూర్తి చేసుకొని గుళ్లలో ఉంటూ సుప్రసిద్ధ ఆలయాల చిత్రాలు గీసే పని చేశాడు. తర్వాత సినిమా రంగంలోకి ప్రవేశించి ఆర్ట్ డైరెక్టర్ అసిస్టెంట్ గా పని చేద్దామనుకుంటే.. రూపం బాగుండడంతో .. హీరో శివ కుమార్ గా మారిపోయాడు దండ పాణి. 1970 లలో తమిళ చిత్ర పరిశ్రమలో స్టార్ హీరో అయ్యాడు. ఆయన కుమారులే.. సూర్య, కార్తి. ఓ స్థాయికి వెళ్ళాక కూడా, చదువు కోసం తాను పడ్డ కష్టాన్ని , తనకు అందిన సహాయాన్ని మర్చిపోలేదు శివకుమార్. 1979 లో శివకుమార్ ఎడ్యుకేషనల్ చారిటబుల్ ట్రస్ట్ స్థాపించి ప్లస్ టూ లో మంచి మార్కులు సాధించిన పేద పిల్లలకు ఆర్థిక సహాయం చేయడం ప్రారంభించాడు. ఆ సంస్థ చేపట్టే ప్రతి కార్యక్రమంలో తన పిల్లలూ భాగస్వాములయ్యేలా ప్రోత్సహించాడు. పేద విద్యార్థుల కష్టనష్టాలు వారికి తెలిసేలా చేశాడు. అలా "అగరం" సంస్థకు ఆయనే బీజం వేశాడు.
2006 సెప్టెంబర్ 26 న అగరం ఫౌండేషన్ స్థాపించాడు సూర్య. వేలూరు కు చెందిన విలేకరి జ్ఞానవేల్, సామాజిక కార్యకర్త, విద్యావేత్త ప్రొఫెసర్ కళ్యాణి అగరం సంస్థ లో భాగస్వాములుగా మారి సంస్థకు ఒక దశ దిశ ను అందించారు.ప్రొఫెసర్ కళ్యాణి మార్గదర్శకత్వంలోనే 2010 లో అగరం ద్వారా " విదై " (అంటే బీజం అని అర్థం)అనే కార్యక్రమాన్ని మొదలుపెట్టాడు సూర్య.
తమిళనాడులో ప్లస్ టూ రాసిన నిరుపేద విద్యార్థులు ఎవరైనా అగరం ను ఆశ్రయించవచ్చు. ఫోన్ కాల్ కు స్పందించడానికి 24 గంటల హెల్ప్ లైన్ సిద్ధంగా ఉంటుంది. పిల్లల దగ్గరకు తమ వాలంటీర్లను పంపి తక్షణ సహాయం అందిస్తుంది.పెద్దవాళ్ళకు కౌన్సిలింగ్ ఇప్పిస్తుంది.దాంతోపాటే విదై కార్యక్రమానికి దరఖాస్తు తీసుకుంటుంది. ఉత్తరాల ద్వారా కూడా సంస్థ సహాయం కోరవచ్చు. అగరం ఉద్యోగులు స్వయంగా వెళ్ళి వాస్తవ పరిస్థితి అంచనా వేసి "విదై" కార్యక్రమానికి ఎంపిక చేస్తారు.
అగరంలోని 400 మంది వాలంటీర్లతో ఈ మహత్కార్యాలు నడుస్తున్నాయి. అగరం.. ఒక్క తమిళనాడు లోనే కాదు దేశవ్యాప్తంగా ఉన్నత ప్రమాణాలతో విద్యాసేవ అందిస్తున్న అతిపెద్ద ఎన్జీవోల్లో ఒకటి. అగరం 2023 లో జవ్వాది కొండలూ, నీలగిరి పర్వతాలలోని గిరిజన గూడెల్లో ఉన్న బడుల్ని బాగు చేయడం కోసం " నమదు పల్లి ఫెలోషిప్" అంటే మన బడి ఫెలోషిప్ పేరుతో ఓ కార్యక్రమాన్ని చేపట్టి ఆ పాఠశాలల తీరుతెన్నులను సమూలంగా మార్చి వేసింది.
నష్టాలూ, సవాళ్ళూ పలకరించినా " కుండ పెరుగు" తో 50 కోట్ల రూపాయల బ్రాండ్ గా ఎదిగారు.తను సాధించడమే కాదు ,తనలా గ్రామీణ ప్రాంతాల నుంచి వచ్చిన,పైకి ఎదగాలన్న కసితో ఉన్న యువతకు తన " డెయిరీ స్కూల్" లో ఉచిత శిక్షణ ఇస్తున్నారు.
ప్రస్తుతం ఆయన వ్యాపారం విలువ 50 కోట్ల రూపాయలు.దీనిలో సింహ భాగం కుండ పెరుగు దే.గ్రామాల్లో ఉన్న యువత తమ కలలను నిజం చేసుకోవడానికి తన వంతు ప్రయత్నం చేస్తున్నారు.వారికి ఉచితంగా " డెయిరీ నిర్వహణ పాఠాలు" నేర్పుతున్నారు.
మూడు నెలల నుంచి ఆరు నెలల పాటు కుండల తయారీ , కుండ పెరుగు,ఇతర పాల ఉత్పత్తుల తయారీ,మార్కెటింగ్ పైన ఉచితంగా శిక్షణ ఇస్తున్నారు. శిక్షణ కాలంలో రూ.7,500 ఉపకార వేతనం అందిస్తూ , ఉచిత వసతి, భోజన సౌకర్యం కల్పిస్తున్నారు.
ఇప్పటివరకు 5000 మంది విద్యార్థులు.. వ్యవసాయ కళాశాలల నుంచి , ఇంజనీరింగ్, ఎం బీ ఏ చదివే వారు ఉచిత శిక్షణ తీసుకుంటే, అందులో 500 మంది సొంతంగా డెయిరీలు పెట్టుకుని రాణిస్తున్నారు. ఆరవ తరగతి చదివిన తాను పీజీ చదువుతున్న పిల్లలకు వ్యాపార పాఠాలు చెప్తున్నందుకు ఎంతో సంతృప్తి పొందుతున్నట్లు వివరిస్తారు శ్రీ నాగ మల్లేశ్వర రావు గారు.
ఆయనొక నిత్య నృత్య విద్యార్థి. చదువుకునే రోజుల్లోనే భారతీయ నృత్య కళలను అభ్యసించాడు. కఠోర సాధన చేశాడు. జానపద, శాస్త్రీయ నృత్యాలపై పట్టు సాధించాడు. జ్యోతిబా ఫూలే , సర్దార్ సర్వాయి పాపన్న గౌడ్, భాగ్య రెడ్డి వర్మ, జీవిత కథలను నృత్య రూపంలో ప్రదర్శనలు ఇస్తూ సమాజాన్ని చైతన్యం చేస్తున్నాడు.
ఆయనే కామారెడ్డి కి చెందిన శాయం గారి వంశీ ప్రతాప్ గౌడ్. కళల రంగంలో పద్మశ్రీ అవార్డు కోసం కేంద్రానికి ఇటీవల దరఖాస్తు చేసుకున్నాడు. భారతీయ నృత్య కళలను పరిరక్షించాలనే లక్ష్యంతో పని చేస్తున్నాడు.
కూచిపూడి కళా క్షేత్రం ఏర్పాటు..
కామారెడ్డి పట్టణానికి చెందిన సుశీల - పాపాగౌడ్ ల కుమారుడు వంశీ ప్రతాప్ గౌడ్.స్థానిక పాఠశాల,కళాశాలల్లో తన విద్యను అభ్యసించాడు. డిగ్రీ చదువును మధ్యలోనే వదిలేసి నాట్యం నేర్చుకోవడం ప్రారంభించారు.1992 సంవత్సరంలో " కూచిపూడి కళా క్షేత్రం" స్థాపించారు.అప్పటినుంచి వందలాది మంది విద్యార్థులకు నాట్యం నేర్పిస్తున్నారు.
నృత్య కళల పట్ల ఆసక్తి ఉండి,ఆర్థికంగా వెనుకబడిన వారికి ,ప్రభుత్వ పాఠశాల విద్యార్థులకు ఈయన " ఉచితంగానే నాట్య శిక్షణ" ఇస్తున్నారు.విద్యార్థుల కళా ప్రదర్శనలకు దుస్తులు,రవాణా,భోజన ఖర్చులను కూడా ఈయనే స్వయంగా భరిస్తున్నారు.కూచిపూడి కళా క్షేత్రం లో నృత్యం నేర్చుకున్న వారిలో కొందరు సినీ పరిశ్రమలో రాణిస్తున్నారు.మరి కొందరు నృత్య శిక్షకులుగా రాణిస్తున్నారు.
పెట్రోల్ బంక్ లో పార్ట్ టైమ్ వర్కర్ గా..
వంశీ ప్రతాప్ గౌడ్ కు చిన్నతనం నుంచే భారతీయ నృత్య కళలను నేర్చుకోవాలనే తపన ఉండేది.తల్లిదండ్రులపై ఆర్థిక భారం పడవద్దని స్థానికంగా ఉన్న ఒక పెట్రోల్ బంక్ లో పార్ట్ టైమ్ బాయ్ గా పని చేశాడు. వంశీ ప్రతాప్ గౌడ్ హైద్రాబాద్ లో " అనిల్ కుమార్ రాంబాద్రి" వద్ద" కూచిపూడి", ,భువనేశ్వర్ లో "డాక్టర్ సనాలి ఆచార్య" వద్ద " ఒడిస్సీ",బెంగళూరులో ప్రభాల్ గుప్తా వద్ద " కథాకళి", కోల్ కతా లో అమితార దత్తా వద్ద"కథక్" శిక్షణ ను పొందారు.
2014 లో నిజామాబాద్ లో దేవులపల్లి ప్రశాంత్ కుమార్ వద్ద " భరత నాట్యంలో",2015లో మణిపూర్ వెళ్ళి సర్గావి వద్ద " మణిపురి నృత్యంలో" శిక్షణ పొందారు.ప్రస్తుతం కూచిపూడి, భరత నాట్యం,కథక్,కథాకళి, మోహినీ ఆట్టము, మణిపురి,ఒడిస్సీ వంటి నృత్య కళల్లో మాస్టారుగా ప్రదర్శనలు ఇస్తున్నారు. రవీంద్ర భారతి వేదికగా ఏడు కళలను ఒకే నృత్య రూపంలో ప్రదర్శించి ఔరా అనిపించారు.
తెలుగు బుక్ ఆఫ్ రికార్డ్స్, గోల్డెన్ స్టార్ వరల్డ్ రికార్డ్ ,లిమ్కా బుక్ ఆఫ్ రికార్డ్స్ ,జీనియస్ బుక్ ఆఫ్ రికార్డ్, వండర్ బుక్ ఆఫ్ రికార్డ్స్ లో వంశీ ప్రతాప్ గౌడ్ పేరు నమోదైంది.
ఔత్సాహిక విద్యార్థులు కూచిపూడి కళా క్షేత్రం, కామారెడ్డి లో "ఉచితంగా భారతీయ నృత్య కళలను" వంశీ ప్రతాప్ గౌడ్ ఆధ్వర్యంలో నేర్చుకోవచ్చు.
అది హర్యానాలోని ఫరీదాబాద్ పట్టణంలోని సెక్టార్ 35 లోని ఒక భవనము. జనం వరుసగా నిలబడి తమ వంతు వచ్చాక మందుల చిట్టీ ని అక్కడున్న వాలంటీర్ల చేతులలో పెడుతున్నారు. వారు వాటిని పరిశీలించి.. అరలలో ఉన్న మందులను సంచులలో ఉంచి ..రోగులకో, వారి తరపు వారికో,వారి బంధువులకో అప్పగిస్తున్నారు. ఆ కేంద్రాన్ని స్థానికులు "మెడిసిన్ బ్యాంక్ " అని పిలుచుకుంటారు.
" మెడిసిన్ బాబా ఫౌండేషన్" ద్వారా నడుస్తున్న ఈ కేంద్రం వ్యవస్థాపకురాలు మీనూ గోయల్. సాధారణంగా బ్యాంకులలో మనం డిపాజిట్ చేసిన డబ్బు మళ్ళీ మనమే తీసుకుంటాము. మా మెడిసిన్ బ్యాంకులో మనం డిపాజిట్ చేస్తే అవసరం ఉన్నవారు వాటిని విత్ డ్రా చే. అదే రెండింటికి తేడా అంటారు మీను గోయల్ గారు.
ఎన్నోఅపార్థాలు ,అనుమానాల నడుమ..
మెడిసిన్ బ్యాంక్ ఏర్పాటు చేయాలనే ఆలోచన ఆవేదనలో నుంచి వచ్చిందంటారు మీను గోయల్. మన దేశంలో రొట్టె ముక్క కొనుక్కునే స్తోమత లేని వారు కోట్ల మంది ఉన్నారు. వారికి అనారోగ్యం వచ్చినప్పుడు డాక్టర్ ఫీజులకు, మందులు కొనుక్కోవడానికి డబ్బు ఎక్కడి నుంచి వస్తుంది. చాలా వైద్య కేంద్రాలలో మందులు ఉండవు. వాటిని కొనలేక ,వైద్యాన్ని ముందుకు కొనసాగించలేక ఎంతో మంది కృంగిపోతున్నారు. వ్యాధులు ముదిరి మరణిస్తున్నారు. ఇది మన కళ్ళ ముందు కనిపిస్తున్న ఒక చేదు వాస్తవం. అలాగే వ్యాధి నయమయ్యాక వైద్యులు వేరేవి వేసుకోమన్నారు అని చెప్పడం వలననో ,లేదా రోగులు మరణించాకో.. మిగిలిపోయిన మందులను చెత్త కుప్పల మీద పారేస్తున్నారు అనేది కూడా మరొక కఠిన వాస్తవం. వాటిని అవసరమైన వారికి అందిస్తే ఎన్నో ప్రాణాలు కాపాడవచ్చు అనిపించింది నాకు. దాన్ని నా మిత్రులతో చర్చించాను. అలా ఆరు సంవత్సరాల క్రితం మెడిసిన్ బ్యాంకుకు అంకురార్పణ జరిగింది అని వివరించారు మీను.
ఏ కొత్త ప్రయత్నానికైనా ముందు తలెత్తే బాలారిష్టాలు దీనికి వచ్చాయి. మా కాన్సెప్ట్ను కొందరు అపార్థం చేసుకున్నారు. మరికొందరు అనుమానం వ్యక్తం చేశారు. కానీ మా నిబద్ధతను గమనించిన తర్వాత మద్దతుగా నిలబడ్డారు. ఆ విషయంలో మా బృందానికి ధన్యవాదాలు చెప్పుకోవాలి అంటున్నారు మీను.
సేకరణ కోసం బాక్సులు ..
12 మంది సభ్యుల ఆమె బృందంలో కార్పొరేట్ నిపుణులు, న్యాయవాదులు, బ్యూటీషియన్లు ఇలా వివిధ వృత్తుల వారు ఉన్నారు. ప్రారంభంలో ఇంటింటికి వెళ్లి మందులు సేకరించడం ప్రారంభించారు .తర్వాత సోషల్ మీడియాలో ప్రచారం చేశారు. కొద్ది రోజులలోనే మంచి స్పందన వచ్చింది. మందులను స్వయంగా తెచ్చి ఇచ్చేవారు కొందరైతే, కొరియర్ ద్వారా మరికొందరు అందిస్తున్నారు. ఇప్పుడు విదేశాల నుంచి కూడా పంపిస్తున్నారు. మిగిలిన మందులను ఏం చేయాలా అని ఆలోచించే వారికి కూడా ఇప్పుడు తక్షణం గుర్తుకు వచ్చేది ఆ సంస్థ నే .దీనితో పాటు ఫరీదాబాద్ లోని బహిరంగ ప్రదేశాలు, ఆలయాలు, హౌసింగ్ సొసైటీలలో దాదాపు 30 మెడిసిన్ బాక్సులు ఏర్పాటు చేశారు. మిగిలిన మందులను జనం ఆ బాక్సులలో వేస్తే మీను బృందం వాటిని సేకరిస్తుంది. అలా అందిన మందులలో గడువు ముగిసిన వాటిని తొలగిస్తారు. మిగిలిన వాటిని కేటగిరిల వారిగా మెడిసిన్ బ్యాంకులో భద్రపరుస్తారు .రోగులు ప్రెస్క్రిప్షన్ను తీసుకొస్తే దాని ప్రకారం మందులు అందజేస్తారు.
ఆ ఘనత వారిదే అంటున్న మీను..
నగరంలో చాలామంది వైద్యులు మాతో కలిసి పనిచేస్తున్నారు. పేద రోగులను ఉచితంగా పరీక్షించి, ప్రిస్క్రిప్షన్లు రాసి మా దగ్గరకు పంపుతున్నారు. ఇప్పుడు సాధారణ ఇబ్బందుల నుంచి తీవ్రమైన వ్యాధుల వరకు దాదాపు అన్ని సమస్యలకు మా దగ్గర మందులు ఉన్నాయి. వాటి వివరాలు సోషల్ మీడియా ద్వారా తెలియజేస్తున్నాం. ఎవరైనా వచ్చి వాటిని తీసుకెళ్లొచ్చు. ఎవరి దగ్గరైనా మందులు ఉన్నాయని చెబితే వాటిని మేము కలెక్ట్ చేసుకుంటాము. ఇప్పటివరకు కొన్ని వేల మంది మా సంస్థ ద్వారా లబ్ధి పొందారు. వైకల్యాలు ఉన్న వృద్ధుల కోసం వీల్ చైర్లు తదితరాలు కూడా సమకూర్చుతున్నాము.
" మేము చేసేదంతా పూర్తిగా ఉచితమే". ఎవరి నుంచి విరాళాలు కానీ, వేరే సహాయం కానీ మేము తీసుకోవడం లేదు .మా వృత్తుల ద్వారా వచ్చేది మాకు సరిపోతుంది. వేరే ఖర్చులు ఏమైనా ఉంటే అందరం కలిసి పంచుకుంటున్నాం అని చెబుతున్నారు మీను గోయల్.
అబ్బాయిలాంటి హెయిర్ కట్ ,ప్యాంటు షర్టుతో కనిపించే మీను తన వృత్తిలో ఎంత బిజీగా ఉన్నా రోజు కనీసం రెండు గంటల సమయాన్ని ఈ కేంద్రం కోసం కేటాయిస్తారు. అత్యవసరమైతే అన్నివేళలా ఆమె బృందం అందుబాటులో ఉంటుంది. ఇదంతా మా ఘనత అని అనుకోవడం లేదు, పౌరులు తమ సామాజిక బాధ్యతగా భావించడం వలన మెడిసిన్ బ్యాంకు ను నడపగలుగుతున్నాం. ప్రజల భాగస్వామ్యం ,సహానుభూతి ఎన్నో ప్రాణాలను కాపాడుతోంది అని అంటారు మీను వినయంగా.
ఒక్క రూపాయి కూడా ఖర్చు లేకుండా వేద మందిర్ వారు ఇప్పుడు ఫ్రీ గా , 100% ఉచితంగా మీ పేరు మీద " గణపతి అర్చన" జరుపుకునే అవకాశం కల్పిస్త...
